MESIRAS DA SPARGN SRG-SSR – AUCH DAS RÄTOROMANISCHE FERNSEHEN UND RADIO RTR MUSS SPAREN

Das Rätoromanische Fernsehen und Radio RTR muss im Zuge der Sparmassnahmen des SRG-SSR-Mutterhauses bis 2026 rund 600'000 Franken einsparen. Wie RTR mitteilt, macht das Medienhaus deshalb Abstriche beim Programm und will über natürliche Wechsel vier Stellen abbauen.

Nicolas Pernet, directur RTR © RTR / SRG-SSR

RTR spargna proxim onn passa quatter plazzas cumplainas

Las mesiras da spargn da la SRG-SSR tutgan er RTR – fin il 2026 sto la chasa da medias spargnar var 600’000 francs. Quai pervia da pli bassas entradas da la cumpensaziun da chareschia sco er pli paucas entradas da reclama.

Per dumagnar quests respargns ha Radiotelevisiun Svizra Rumantscha elavurà in program da spargn. Quel ha tant consequenzas sin la purschida, l’infrastructura sco er sin plazzas. En tut vegnan quatter plazzas cumplainas stritgadas il 2025. Quellas pon vegnir reducidas entras la fluctuaziun, pia senza relaschadas. Quai correspundia ad ina reducziun da persunal da 4%, scriva RTR en ina communicaziun.

Reducziun da purschida

I na giaja betg da realisar ils respargns senza consequenzas per la purschida. Concret vegn l’emissiun da stad «sil punct» stritgada. I vegnia però a dar vinavant durant il temp da stad istorgias en furma da video, quai sur las plattafurmas digitalas enstagl en la televisiun. Er la purschida per uffants vegn reducida fermamain. Uschia na vegni betg pli a dar films animads sco per exempel ils «babulins». Er la previsiun da l’aura en l’emissiun da «Telesguard» scroda a partir dal 2025. Er tar il program da radio vegni a dar adattaziuns, co quellas vesan or n’è uss dentant anc betg cler.

Tenor il directur da RTR Nicolas Pernet vegni puncto finanzas anc pli stretg a partir dal 2027. Lura cumenzan numnadamain las reducziuns da las taxas ch’il Cussegl federal ha decis, pia a SRG-SSR ha lura a disposiziun pli pauc daners. Tge che quai munta concret per la purschida rumantscha n’è ussa anc betg cler. Questa discussiun politica davart tge che RTR porscha e tge betg pli, stoppia anc vegnir fatga.

Mesiras da spargn SRG-SSR

Fin uss survegniva la SRG-SSR en cas d’inflaziun ina cumpensaziun da chareschia per la cumpart da la taxa da medias concedida. Perquai che las reservas or da la taxa da medias èn duvradas si previsiblamain l’onn 2025, sa reducescha la cumpensaziun da chareschia en il futur. Quai ha confermà il Cussegl federal il zercladur e l’Uffizi federal da communicaziun (Bakom) ha ussa concretisà quest fatg. Per la SRG-SSR signifitga quai ch’ella sto spargnar supplementarmain en vista a retgavs commerzials oramai regressivs: 50 milliuns francs l’onn 2025 e previsiblamain 65 milliuns francs l’onn 2026.

Considerond l’adattaziun da la taxa da medias vegnan ad esser necessarias ulteriuras mesiras da spargn.

rtr

https://www.rtr.ch/novitads/grischun/mesiras-da-spargn-rtr-spargna-proxim-onn-passa-quatter-plazzas-cumplainas

#MesirasdaSpargnSRG_SSR #RTR #RadioTelevisiunSvizraRumantscha #NicolasPernet #CHcultura @CHculturaCH ∆cultura cultura+