In Zusammenarbeit mit Lia Rumantscha lanciert Pro Helvetia mit «Scriver litterar» erstmals eine Ausschreibung, die sich spezifisch an romanischschreibende Autorinnen und Autoren richtet. In einem zweijährigen Programm erhalten Nachwuchsautorinnen und -autoren die Möglichkeit, sich mit unterschiedlichen Textgenres auseinanderzusetzen und die eigene künstlerische Praxis zu professionalisieren. Eingabetermin: 30. November 2024.
Bild: © Lia Rumantscha, https://www.liarumantscha.ch/rm/purschidas/lavuratori-scriver-litterar
Lavuratori «Scriver litterar»
Nus purschain a partir dal schaner 2025 in lavuratori «Scriver litterar» per autur*as rumantsch*as, l’emprima purschidada furmaziun e da perfecziunament per scriver texts litterars en rumantsch. La purschida pussibiliteschaals*las participant*as da chattar e precisar lur agen scriver litterar.
La purschida vegn sustegnida finanzialmain e concepziunalmain da la Fundaziun svizra per la cultura Pro Helvetia. Ulteriuras fundaziunsed instituziuns sustegnan il project finanzialmain, conceptualmain ed idealmain: Fundaziun Ernst Göhner, Pro Litteris, Banca Chantunala Grischuna, Fundaziun Oertli, Fundaziun Studer/Ganz, Fundaziun Binding, Uniun per la Litteratura Rumantscha, A*dS Autur*as da la Svizra
Per tgi?
La purschida sa drizza a persunas rumantschas che han gia fatg emprimas experientschas da scriver texts litterars e che vulan approfundar quellas. La furmaziun è er adattada per persunas che scrivan gia professiunalmain en auters champs e vulessan sviluppar vinavant lur abilitads.
Persunas entusiasmadas da la litteratura che vulessan scuvrir vias novas cun scriver èn era bainvegnidas – independentamain da la vegliadetgna, da la furmaziun e da l’idiom. Il lavuratori è in’ufficina da scriver che dat in spazi per emprender, barattar experientschas, scriver e discutar texts.Ils*las participant*as duain lavurar durant il lavuratori vi d’in agen project litterar.
Cuntegn e durada
Il lavuratori cuntegna quatter moduls che permettan d’emprender d’enconuscher differents geners da texts e d’experimentar cun quels: Il modul «Experiment», il modul «Prosa», il modul «Scriver texts scenics», il modul «Lirica» ed il modul «Scriver e publitgar texts plurilings». En pli porscha il lavuratori ina survista da l’uschenumnà canon litterar rumantsch. Suenter avair frequentà questa part tematica approfundeschan ils*las participant*as cun sustegn da la gruppa e da mentur*as lur projects litterars individuals.
Il lavuratori cumpiglia bundant 30 sondas ed in tschert temp da lavur vi dals projects litterars individuals ils onns 2025 e 2026. Las vacanzas da scola vegnan resguardadas uschè bain sco pussaivel.
lr
Contacts:
https://www.liarumantscha.ch/rm/purschidas/lavuratori-scriver-litterar
#ScriverLitterar #LiaRumantscha #ProHelvetia #CHcultura @CHculturaCH ∆cultura cultura+
Kommentare von Daniel Leutenegger