FUNDAZIUN MEDIAS RUMANTSCHAS: JON PULT SUCCEDA A CORINA CASANOVA SCO PRESIDENT DA LA FMR

Il cusseglier naziunal Jon Pult è vegnì elegì dal cussegl da fundaziun sco nov president da la FMR. El succeda a l’anteriura chanceliera federala Corina Casanova ch’ha presidià la FMR dapi l’onn 2019. Kevin Brunold è vegnì elegì sco nov commember dal cussegl da fundaziun. El succeda a Carl Hassler.

Maletg: © FMR, Jon Pult – Corina Casanova

Suenter sis onns a la testa da la FMR surdat Corina Casanova il presidi da la fundaziun en novs mauns. Durant ses temp d’uffizi, ils emprims sis onns d’existenza da la FMR, saja ella s’engaschada per installar, constituir e consolidar cun success la nova fundaziun sco instituziun indispensabla per las medias rumantschas scrittas.

Il cussegl da fundaziun engrazia a Corina Casanova per sia gronda lavur, ses impegn e sia premura tant sco era per la preziusa collavuraziun durant tut quests onns. Durant quests sis onns hjaa ella era sustegnì l’instituziun dad iniziar ed elavurar strategias a lunga vista en connex cun la transfurmaziun digitala.

RTR/FMR

Contact

https://www.fmr.ch/